Batas ng Supply at Demand

Ang ekonomiya ay umiikot sa mga desisyon ng mga tao mula sa mga konsyumer na bumibili ng mga produkto hanggang sa mga negosyante na nagbebenta ng mga ito. Sa likod ng bawat transaksyon ay ang pundamental na konsepto ng Batas ng Supply at Demand, na nagsisilbing gabay sa pag-unawa kung paano gumagalaw ang merkado. Ang pag-aaral ng batas na ito ay makatutulong sa mga mag-aaral na maunawaan kung paano gumagana ang merkado, paano sila maaaring maging matalinong mamimili, at paano maipapaliwanag ang mga pagbabago sa presyo ng mga pangunahing bilihin sa kanilang pang-araw-araw na buhay.

Halimbawa, kapag nasa isang supermarket ka at nagpasya kang bumili ng prutas. Napansin mo ang maraming pakwan sa seksyon ng prutas, ngunit kaunti na lamang ang mga mansanas. Sa pagkakataong ito, lumalabas na mas mataas ang presyo ng pakwan kumpara sa mansanas. Dahil dito, mas marami ang bumibili ng mansanas kaysa sa pakwan, na nagiging sanhi ng pagtaas ng demand sa mansanas.

Batas ng Supply at Demand

Ang konsepto ng law of supply and demand ay pinaniniwalaang nagmula kay John Locke noong 1691 at naging mas kilala sa sulatin ni Adam Smith, na tinaguriang Father of Economics, sa kanyang aklat na The Wealth of Nations. Dito, inilarawan ang law of supply at demand bilang "invisible hand" na gumagabay sa ekonomiya.

Ang Batas ng Supply at Demand ay isang pangunahing konsepto sa ekonomiya na nagsasaad na ang presyo ng isang produkto o serbisyo ay nagbabago batay sa ugnayan ng dami ng mga produktong handang ibenta ng mga supplier (supply) at ang dami ng mga produktong nais at kayang bilhin ng mga konsyumer (demand).

Batas ng Demand

Ang Batas ng Demand ay nagsasaad na kapag mas mababa ang presyo ng isang produkto o serbisyo, mas mataas ang dami ng produktong handang bilhin ng mga konsyumer. Samantalang kapag tumataas ang presyo, bumababa naman ang demand.

Batas ng Supply

Ang Batas ng Supply naman ay nagsasaad na kapag mas mataas ang presyo ng isang produkto o serbisyo, mas maraming supplier ang handang magbigay o gumawa nito. Sa kabaligtaran, kapag bumaba ang presyo, bababa rin ang dami ng produktong handang ibenta ng mga producer.

Supply

Ang Supply ay tumutukoy sa dami ng produkto o serbisyo na handa at kayang ipagbili ng mga produtser sa iba’t ibang presyo sa isang takdang panahon. Halimbawa, sa stock market, once you buy stocks, you have supplies of stocks that you can sell at a pleasurable price.

Salik na Nakakaapekto sa Supply

Presyo: Mas mataas ang presyo, mas marami ang supply.
Teknolohiya: Ang pag-unlad sa teknolohiya ay maaaring magresulta sa pagbaba ng gastos sa produksyon.
Presyo ng mga Input: Kung tumaas ang presyo ng mga materyales, tataas din ang gastos sa produksyon.
Inaasahan ng mga Supplier: Ang mga inaasahang pagbabago sa hinaharap ay maaaring makaapekto sa kasalukuyang supply.
Kalamidad at Sakuna: Ang mga natural na sakuna ay maaaring makaapekto sa supply ng mga produkto.

Demand

Ang Demand ay tumutukoy sa dami ng produkto o serbisyo na nais at kayang bilhin ng mga konsyumer sa iba’t ibang presyo sa isang takdang panahon. Ang pangunahing salik na nakakaapekto sa demand ay ang presyo, ngunit may mga iba pang salik na kinakailangan ring ikonsidera.

Salik na Nakakaapekto sa Demand

Panlasa/Kagustuhan: Ang pagbago ng kagustuhan ng mga mamimili ay nagiging dahilan ng pagtaas o pagbaba ng demand.
Kita: Ang pagtaas ng kita ng konsyumer ay nagdadala ng mas mataas na purchasing power.
Populasyon: Ang pagdami ng populasyon ay maaaring magdulot ng pagtaas ng demand.
Okasyon: May mga okasyon, tulad ng kapaskuhan, na nagdudulot ng pagtaas sa demand para sa mga partikular na produkto.
Ekspektasyon: Ang mga inaasahang pagbabago sa hinaharap ay maaaring makaapekto sa kasalukuyang demand.
Presyo ng mga Kaugnay na Produkto: Maaaring epekto ng presyo ng complimentary at substitute goods sa demand.

Pagsasama ng Supply at Demand

Isang mahalagang aspeto ng supply at demand ay ang ugnayan at pag-interact ng mga salik na ito. Mahalaga ang pagkakaintindi sa dynamics na ito upang makabuo ng tamang desisyon sa pagbili o pagbebenta ng mga produkto. Ang pag-aaral sa batas na ito ay nagiging pundasyon ng maayos na pag-unawa sa mga pagbabago sa merkado.

Batas ng Supply at Demand: Isang Komprehensibong Pagsusuri

Batas ng Supply at Demand: Isang Komprehensibong Pagsusuri